Уромитексан (400 мг/4 мл)

Месна

1 мл ерітіндінің құрамында

белсенді зат - 100 мг месна,

қосымша заттар: динатрий эдетаты, натрий гидроксиді, инъекцияға арналған су.

Мөлдір түссіз ерітінді

Цитостатикалық емнің уыттылығын төмендететін препараттар. Месна.

АТХ коды V03AF01

Месна, бос тиол болу, қан сарысуында өздігінен тотығу жолымен өзінің жалғыз ғана метаболиті месна дисульфидіне (димесна) оңай және тез айналады. Бүйрек өзекшелерінің эпителийлерінде димеснаның едәуір мөлшері бос тиол қосылыстарына дейін қалпына келеді. Шығарылуы (іс жүзінде бүйрек арқылы толық жүзеге асады) препаратты енгізгеннен кейін бірден басталады. Бос тиол (меснаның) түрінде экскреция препаратты бір реттік енгізуден кейін алғашқы 4 сағат ішінде, және содан кейін көбіне дисульфид түрінде (димеснаның) жүзеге асырылады. Препараттың көп бөлігі бүйрек арқылы шамамен 8 сағаттан кейін шығарылады.

Препаратты вена ішіне енгізілген дозасының шамамен 30%-ы несепте бос тиол (меснаның) түрінде болып, қорғаныш функциясын атқару үшін қуықтың едәуір аймағын алады.

Фармакодинамикасы

Меснаның қорғаныш әсерінің механизмі уроуытты гидроксильді метаболиттер оксазафосфориндердің тұрақтануымен және акролеинмен өзара әрекеттесу нәтижесінде уытты емес тиоэфир түзеді. Бұл реакциялар бүйректе және эфферентті несеп шығару жолдарында детоксикацияны қамтамасыз етеді.

- ифосфамидті және циклофосфамидті уроуытты деп саналатын дозаларда қабылдаған пациенттерде, геморрагиялық циститтерді, гематурияны және макрогематурияны қоса, уротелиальді уыттылыққа қарсы профилактика жүргізу үшін

Препарат вена ішіне енгізуге арналған. Қолданар алдында дәрілік препараттар бөгде бөлшектердің бар-жоқтығын және түссізденгенін-түссізденбегенін тексеру қажет. Кез келген түссізденген, бұлыңғыр ерітінділер немесе ішінде көзге көрінетін бөлшектері бар ерітінділер қолданылмауы тиіс.

Уромитексан препаратының ерітіндісі тек бір реттік пайдалануға ғана арналған. Препараттың пайдаланылмаған қалдығы бар ампула қайталап пайдаланылмауы тиіс!

Уромитексан препаратымен емдеу ұзақтығы оксазафосфориндермен емдеу ұзақтығына сәйкес болуы тиіс.

Ересек пациенттерге 400 мг/4 мл Уромитексан препараты вена ішіне оксазафосфориннің тиісті дозасының 20%-ын құрайтын оксазафосфорин дозасымен бір мезгілде енгізіледі. Алғашқы енгізуден кейін 4 және 8 сағаттан соң меснаның осындай дозасын қайталап енгізеді.

Дозалау режимінің мысалы:

Ифосфамидті ұзақ инфузия түрінде қолданғанда меснаны ең алдымен есептелген 0 нүктеде (инфузияның басталуы, 0 сағат) болюсті инъекция түрінде (ифосфамидтің тиісті дозасының 20%-ы) енгізу, содан кейін меснаны ифосфамидтің тиісті дозасының 100%-на дейінді құрайтын дозада жалғастыру ұсынылады. Ифосфамид инфузиясын аяқтағаннан кейін ифосфамидтің тиісті дозасының 50%-на дейінгі дозада меснаны енгізе отырып, келесі 6-12 сағат ішінде уропротекторлы әсерді демеген жөн.

Ифосфамидті 24 сағаттық инфузия түрінде қолданғанда 400 мг/4 мл Уромитексан препаратын дозалау режиміне мысал:

Меснаның дозалау келесі факторларға байланысты:

• ифосфамидтің немесе циклофосфамидтің қандай дәрілік түрде қолданылуына – вена ішіне енгізуге арналған ерітінді немесе таблеткалар;

• пациентте несеп шығару жолдары инфекцияларының бар-жоқтығына;

• ифосфамидті, циклофосфамидті немесе трофосфамидті қолдану нәтижесінде пациентте қуықтың зақымдану белгілерінің бар-жоқтығына;

• пациенттің қуық маңындағы дене аймағына сәулемен емдеуден өткен-өтпегеніне.

Препаратты бала пациенттерде қолдану

Жалпы жағдайда балалар, ересектерге қарағанда, қуықты жиі босатады, сондықтан балаларда препаратты енгізу аралығын жекелей азайту (мысалы, 3 сағатқа) және/немесе доза мөлшерін (мысалы, 6 дозаға дейін) арттыру қажет болады.

Препаратты егде жастағы пациенттерде қолдану

Расталған деректер жоқ. 65 жастан асқан пациенттердің қатысуымен жүргізілген клиникалық зерттеулерде жасқа байланысты топтарға тән ешқандай жағымсыз реакциялар білінген жоқ.

Жалпы жағдайда бауыр, бүйрек және жүрек функциясының төмендеу жиілігінің жоғарылағанына, сондай-ақ қатар жүретін ауруларға немесе басқа дәрілермен емделгеніне назар аудара отырып, егде жастағы пациенттерде препарат дозасын абайлап таңдау керек. Алайда Уромитексан препараты мен оксазафосфориндердің арақатынасы өзгермеген күйінде қалуы тиіс.

Уромитексан препаратын қолданумен байланысты өте жиі кездесетін жағымсыз реакциялар (> 10%) мыналар болып табылады:

- бас ауыру, енгізген жерде реакциялар, іштің ауыруы/ іштің түйіліп ауыруы, естен тану алдындағы жағдай, әлсіздік/ұйқышылдық, қызба, бөртпе, диарея, жүректің айнуы, бет терісіне қан кернеулері және тұмау тәрізді аурулар.

Уромитексан препаратын қолданумен байланысты өте күрделі жағымсыз реакциялар мыналар болып табылады:

- уытты эпидермальді некролиз, Стивенс-Джонсон синдромы, анафилаксиялық шок және эозинофилиясы және жүйелік симптомдары (DRESS) бар дәрілік бөртпе.

Уромитексан препараты оксазафосфориндермен біріктіріліп немесе оксазафосфориндер қамтылатын кешенді химиотерапияда қолданылатын болғандықтан, цитоуытты заттарды қатар енгізу себебіне байланысты Уромитексан препаратынан туындауы мүмкін жағымсыз реакцияларды айыру қиын.

Жағымсыз реакциялардың жиілігі келесі шкалаға негізделген: өте жиі (≥1/10); жиі (≥1/100 - <1/10), жиі емес (≥1/1000 - <1/100), сирек (≥1/10000 - <1/1000), өте сирек (<1/10000), жиілігі белгісіз (жиілігін қолда бар деректер негізінде анықтау мүмкін емес).

1 пероральді, ректальді түрде

2 қышымайтын, қышитындарын қоса, эритемалы/эритематозды, экзематозды, папулезді және/немесе теңбіл бөртпелер.

3 эозинофилиямен және жүйелік симптомдармен бірге

4 шырышты-терілік, шырышты, оральді, вульвовагинальді, аноректальді

Препаратты қайталап енгізгендегі жағымсыз реакциялардың пайда болу уақыты және сипаты

Зерттеулерде кейбір пациенттерде жағымсыз реакциялар Уромитексан препаратын алғаш қолданғанда, басқаларында препаратты екінші немесе үшінші қолданудан кейін пайда болды. Жалпы алғанда, ерікті адамдарда болған симптомдардың толық өрісі бірнеше сағат ішінде көрініс берді.

Клиникалық зерттеулерде кейбір қатысушыларда алғашқы жағымсыз реакциялар туындағаннан кейін қандай да болсын басқа жағымсыз реакциялар байқалған жоқ, ал зерттеуге қатысушылар препаратты қайталап қолданғанда жағымсыз реакциялардың өршу жағдайлары тіркелді.

Енгізген жердегі реакциялар

Зерттеудің енгізген жерде тері реакциялары болған кейбір қатысушыларында кейіннен Уромитексан препаратын енгізу дененің басқа аймақтарында тері тарапынан жағымсыз реакциялардың туындауына әкелді.

Тері/шырышты қабық тарапынан бұзылулар

Тері және шырышты қабық тарапынан бұзылулар Уромитексан препаратын вена ішіне, сонымен қатар пероральді түрде қолданудан кейін де жүретіні байқалды. Осы реакциялар бөртпені, қышынуды, бет терісіне қан кернеулерді, шырышты қабықтың тітіркенуін, плевралық ауыруды және конъюнктивитті қамтыды. Жағымсыз реакциялары бар пациенттердің төрттен бірінде ентігуді, қызбаны, бас ауыруды, асқазан-ішек жолы тарапынан симптомдарды, ұйқышылдықты, дімкәстікті, миалгияны және тұмау тәрізді симптомдарды қамтыған басқа да жағымсыз реакциялармен біріккен тері және шырышты қабық тарапынан бұзылулар болды.

Асқазан-ішек жолы тарапынан бұзылулар

Дені сау ерікті адамдарда білінген асқазан-ішек жолы тарапынан бұзылулар жүректің айнуын, құсуды, диареяны, іштің ауыруын/іштің түйіліп ауыруын, эпигастриядағы ауыруды/қыжылды, іш қатуды, метеоризмді қамтыды және Уромитексан препаратын вена ішіне және пероральді түрде енгізуден кейін пайда болды.

Лимфоциттер санына препараттың тигізетін ықпалына in-vivo зерттеулер

Фармакокинетикалық зерттеулерде дені сау адамдарда Уромитексан препаратын бір реттік енгізу лимфоциттер санының тез (24 сағат ішінде) және, кейбір жағдайларда, елеулі төмендеуімен жиі астасты, ол препаратты енгізгеннен кейін бір апта ішінде қалпына келді. Бірнеше күн бойы препаратты қайталап енгізуге жүргізілген зерттеу деректері препаратты осындай жағдайларда қолданғанда уақыт өте келе лимфоциттер санының өзгеруін сипаттау үшін жеткіліксіз.

Қан сарысуындағы фосфордың концентрациясына препараттың тигізетін ықпалына in-vivo зерттеулер

Фармакокинетикалық зерттеулерде дені сау ерікті адамдарда Уромитексан препаратын бір немесе кейбір жағдайларда бірнеше күн енгізу қан сарысуында фосфор концентрациясының орташа өткінші артуымен байланысты болды. Бұдан басқа, қан сарысуындағы креатинфосфокиназа (КФК) дейгейлері меснаны енгізуден кейін 24 сағат ішінде алынған сынамаларда, тура енгізер алдында алынған сынамаларға қарағанда, төмен болды. Қолда бар деректер осы құбылыстың себептерін анықтау үшін жеткіліксіз болып табылса да, осы фактіні ферментативтік КФК анықтау үшін пайдаланылатын тиолтәуелді тестілердің (мысалы, N-ацетилцистеинді қолданған кезде) нәтижелеріне елеулі ықпалын тигізетінін көрсетуі ретінде қарастырған жөн.

- меснаға, препараттың кез келген компонентіне немесе басқа тиол қосылыстарына жоғары сезімталдық

- лактация кезеңі

Дәрілердің өзара әрекеттесуі

Зертханалық зерттеулерде месна цисплатинмен, карбоплатинмен және хлорметинмен үйлеспейтіндігін көрсетті. Алайда, оларды бір мезгілде енгізу инъекцияға әртүрлі жерді пайдаланғанда мүмкін болады. Бұл препараттар дене ішінде өзара әрекеттеспейді.

Уромитексан препаратын эпирубицинмен араластыруа жол бермеген жөн, өйткені бұл эпирубициннің белсенділігінің жойылуына әкеледі.

Уромитексан препараты несеп шығару жүйесіне ғана қорғаныш әсерін тигізеді және цитостатиктердің басқа жағымсыз әсерлерін жоймайды, сондықтан оксазафосфориндер тобының препараттарымен емдеген кезде демеуші және симптоматикалық емнің толық кешенін қолдану қажет.

Жоғары сезімталдық

Жоғары сезімталдық реакциялары уропротектор ретінде қолданылған Уромитексан препаратын енгізгеннен кейін білінді. Мұндай реакцияларға тері және теріасты шелі тарапынан әртүрлі симптомдар жатады.

Бұдан басқа, терінің ауыр түрдегі буллезді және ойық жаралы зақымдану жағдайлары және шырышты қабықтар тарапынан реакциялар білінді. Кейбір реакциялар Стивенс-Джонсон синдромымен, уытты эпидермальді некролизбен немесе экссудативті мультиформалы эритемамен ұқсас болды деп саналды.

Кейбір жағдайларда тері тарапынан реакциялар бір немесе бірнеше симптомдармен қатар жүрді:

• қызба,

• жүрек-қантамыр және тыныс алу жүйелері тарапынан симптомдар,

• бүйрек функциясының жедел жеткіліксіздігіне ұқсас симптомдар,

• гематологиялық көрсеткіштердің бұзылуы,

• бауыр ферменттері белсенділігінің жоғарылауы,

• жүректің айнуы, құсу,

• аяқ-қолдың ауыруы, артралгия, миалгия, дімкәстік,

• стоматит,

• конъюнктивит.

Кейбір реакциялар анафилаксия типінде көрініс берді.

Қызбамен, мысалы, терілік көріністерсіз гипотензия қатар жүреді.

Аутоиммундық аурулары бар пациенттер аллергиялық немесе анафилактоидтық реакциялар қаупі жоғары аймақта болады. Мұндай пациенттерде Уромитексан препараты қаупі мен пайдасына мұқият баға бергеннен кейін ғана және медициналық бақылаумен уроуытты әсерлерді бейтараптандыруы үшін қолданылуы тиіс.

Ауыр аутоиммундық ауруларды және қатерлі ісіктерді емдеу кезінде меснаны қолданғанда күрделі және аздаған реакциялардың болғаны жөнінде мәлімделді. Көптеген жағдайларда реакциялар препаратты қолдану кезінде немесе оны алғаш қолданғаннан кейін немесе меснаның экспозициясынан кейін бірнеше апта ішінде көрініс берді. Басқа жағдайларда бастапқы реакциялар меснаның әсер етуінен кейін бірнеше ай бойы байқалған жоқ.

Симптомдар препаратты қолданған күні пайда болды, және реакциялардың айқындылығы енгізілген дозаға байланысты, келесі экспозициядан кейінгі өте қысқа уақыт аралығына беталыс жасай өзгереді.

Кейбір пациенттерде меснаны қайталап енгізгеннен кейін өте күрделірек реакциялар пайда болды.

Анамнезінде жағымсыз реакциялар бар кейбір пациенттер тері тарапынан баяу типті реакциялар бойынша оң нәтижелерді көрсетті. Алайда баяу типті реакциялар бойынша теріс нәтиже Уромитексан препаратына аса жоғары сезімталдықтың бар екендігін жоққа шығармайды. Пациенттерде баяу типті оң тері реакциялары, меснаның бұдан бұрынғы экспозициясына немесе анамнезінде аллергиялық реакциялардың бар екендігіне қарамай, орын алды, сондай-ақ баға беру үшін пайдаланылған месна ерітіндісінің концентрациясымен байланысты болуы да мүмкін.

Препаратты тағайындағанда есте ұстаған жөн

• аса жоғары сезімталдық реакцияларының дамуы мүмкін екендігі, сондай-ақ осы жағымсыз реакциялардың препаратты қайталап қолданғаннан кейін нашарлауы, ал кейбір жағдайда өмір үшін қауіпті болуы мүмкін екендігі жөнінде;

• Уромитексан препаратын қолдануға аса жоғары сезімталдық реакциялары сепсистің клиникалық көрінісін еске түсіру ретінде түсіндірілуі мүмкін, ал аутоиммундық бұзылулары бар пациенттерде – негізгі аурудың өршуін еске түсіру ретінде.

Тиол қосылыстары

Месна тиолды қосылыс, яғни құрамында сульфгидрильді (SH) топтар бар органикалық қосылыс болып табылады. Тиолды қосылыстардың тері тарапынан ауыр реакцияларды туындату қабілетін қоса, жағымсыз реакциялар бейініне қатысты біршама ұқсастығы бар. Тиолды қосылыстары бар препараттарға амифостин, пеницилламин және каптоприл жатады.

Тиолды препаратқа жағымсыз реакциялары бар болған пациенттерде тиолды топтың басқа қосылысына кез келген немесе ұқсас реакциялардың пайда болуының жоғары қаупінің бар-жоқтығы белгісіз. Алайда осы пациенттерде тиолды топтың басқа қосылыстарын қолдану мүмкіндігін қарастырғанда жағымсыз реакциялардың пайда болуының жоғары қаупінің мүмкін екендігін ескерген жөн.

Уромитексан препараты барлық пациентте геморрагиялық циститті жоққа шығармайды. Сондықтан таңертеңгі несепте гематурияның бар-жоқтығына күн сайын талдау жүргізу қажет.

Оксазафосфориндермен кез келген ем кезіндегі сияқты бөлініп шығатын несептің жеткілікті мөлшерде болуын байқалу қажет.

Натрийдің болуы

Уромитексан, вена ішіне енгізуге арналған 400 мг/4 мл ерітіндінің 10 мл-де 1 ммольден азырақ (23 мг) натрий бар.

Зертханалық көрсеткіштерге ықпалы

Уромитексан препаратымен емдеу аясында егер талдау (тест-парақшаны қоса) сілтілік ортадағы натрий нитропруссиді реакциясына негізделген болса, несептегі кетонды денелердің бар екендігін анықтағанда жалған-оң реакциялар орын алуы мүмкін. Мұзды сірке қышқылын қосу ақиқат-оң нәтижеден (қызыл-күлгін түсті күшейтетін) жалған-оң нәтижені (біртіндеп жоғалатын шие-қызыл түс) айыру үшін пайдаланылуы мүмкін.

Уромитексан препаратымен жүргізілетін ем аясында несептегі аскорбин қышқылының мөлшерін анықтау үшін Тиллман реагентін қолдануға негізделген скрининг тестілері кезінде жалған-оң реакциялар орын алуы мүмкін.

Бала пациенттерге қолданылуы

«Бакстер» компаниясы бала пациенттерде (16 жастан кіші) қолданған кездегі меснаның қауіпсіздігі мен тиімділігіне клиникалық зерттеулер жүргізген жоқ, бірақ меснаны балаларда қолдану әдебиетте сипатталған.

Жүктілік және лактация кезеңі

Уромитексан препараты оксазафосфориндермен емдеген кезде уропротектор ретінде пайдаланылатын болғандықтан, жүктілік және лактация кезінде меснаны қолдануды ескере отырып, цитоуытты емнің потенциалды қаупі мен ықтимал пайдасына мұқият баға берген жөн.

Жүкті әйелдердің қатысуымен адекватты бақыланатын зерттеулер жүргізілген жоқ. Клиникаға дейінгі in vivo зерттеулер Уромитексан препаратының эмбриоуыттық және тератогендік әсерлерінің белгілерін байқаған жоқ.

Уромитексан препаратымен емделу кезінде бала емізуді тоқтатқан жөн.

Меснаның репродукциялық уыттылығына зерттеулер жүргізілген жоқ.

Көлік құралын немесе потенциалды қауіпті механизмдерді басқару қабілетіне дәрілік заттың ықрпал ету ерекшеліктері

Уромитексан препаратымен емделіп жүрген пациенттерде жағымсыз әсерлер (соның ішінде, мысалы, естен тану, естен тану алдындағы жағдай, әлсіздік/ұйқышылдық, бас айналу және көрудің бұлыңғырлануы) пайда болуы мүмкін, олар көлік құралын басқару немесе басқа механизмдерді пайдалану қабілетіне ықпалын тигізеді. Көлік құралын басқару немесе басқа механизмдерді басқару жөніндегі шешімді әрбір нақты жағдайда жекелей қабылдаған жөн.

Дені сау ересек ерікті адамдарда артық дозалану жағдайлары және жоғары дозалардың жағымдылығына жүргізілген зерттеулер нәтижесінде алынған бақылаулар жөніндегі мәлімдемелер шамамен 4 г-ден 7 г-ге дейінгі диапазондағы месна препаратын бір реттік енгізудің келесі симптомдарды өршітуі мүмкін екендігін көрсетті: жүректің айнуы, құсу, іштің ауыруы/іштің түйіліп ауыруы, диарея, бас ауыру, шаршау, дімкәстік, әлсіздік, аяқ-қолдың, соның ішінде буындардың ауыруы, бөртпе, бет терісіне қан кернеулер, артериялық қысымның төмендеуі, брадикардия, тахикардия, парестезиялар, қызба және бронхтың түйілуі. Жүректің айнуының, құсудың және диареяның анық артуы сондай-ақ, өте төмен дозаларды қабылдаған немесе сусызданудан емделген пациенттермен салыстырғанда, оксазафосфорин препараттарымен емделген, вена ішіне тәулігіне дене салмағының әр кг-не 80 мг және одан көбірек месна қабылдаған пациенттерде байқалды.

Уромитексан препараты үшін спецификалық антидот белгісіз.

Аутоиммундық ауру бар пациенттер үшін шұғыл түрде тағайындалатын адекватты дәрілік заттар қолжетімді екендігіне көз жеткізген жөн.

Шығарылу түрі және қаптамасы

Сындыратын нүктесі және түрлі түсті екі сақинасы бар шыны (I тип, ЕФ) ампулаларға 4 мл-ден құйылған. Пішінді ұяшықты қаптамаға 5 ампуладан салынған, пішінді ұяшықты 3 қаптама медициналық қолдану жөнінде мемлекеттік және орыс тілдеріндегі нұсқаулықпен бірге картон қорапқа салынған.

Балалардың қолы жетпейтін жерде сақтау керек!

5 жыл

Жарамдылық мерзімі өткеннен кейін қолдануға болмайды.

Рецепт арқылы

Өндіруші

Бакстер Онкология ГмбХ

Кантштрассе, 2, 33790 Халле/Вестфален, Германия

Тұтынушылардан дәрілік заттың сапасы жөніндегі шағымдарды (ұсыныстарды) Қазақстан Республикасы аумағында қабылдайтын және тіркеуден кейін дәрілік заттың қауіпсіздігін бақылауға жауапты ұйымның мекенжайы

«Фармагейт Лтд.» Қазақстан Республикасындағы аумақтық өкілі

050050, Алматы қ., Рыскулов к-сі, 62 үй, 11 кеңсе

тел/факс +7 (727) 397 31 51

моб. +7 (777) 273 33 84

13